![FTII- இந்திய திரைப்பட, தொலைக்காட்சி நிறுவன தலைவராக மாதவன்..! - Dhinasari Tamil](https://i0.wp.com/vellithirai.news/wp-content/uploads/2023/09/ftii-e0ae87e0aea8e0af8de0aea4e0aebfe0aeaf-e0aea4e0aebfe0aeb0e0af88e0aeaae0af8de0aeaae0ae9f-e0aea4e0af8ae0aeb2e0af88e0ae95e0af8de0ae95.jpg?resize=471%2C255&ssl=1)
இந்திய திரைப்படம் மற்றும் தொலைக்காட்சி நிறுவனம் – FTIIணன் தலைவராக நடிகர் மாதவன் பொறுப்பேற்கிறார். அவருக்கு பலரும் வாழ்த்து தெரிவித்து வருகின்றனர்.
தமிழ், ஹிந்தி உள்ளிட்ட மொழிகளில் கால் நூற்றாண்டு காலம் நடித்து, திரைப்படத்தை இயக்கி அனுபவமும் பல்வேறு விருதுகளும் பெற்றுள்ள மாதவன், இந்திய திரைப்படம் மற்றும் தொலைக்காட்சி நிறுவன தலைவராக நியமிக்கப்பட்டு உள்ளார். அண்மையில் மாதவன் இயக்கிய ராக்கெட்ரி படம் சிறந்த திரைப்படத்திற்கான தேசிய விருது பெற்றது குறிப்பிடத்தக்கது.
நடிகர் மாதவன் எஃப்டிஐஐ தலைவராக நியமிக்கப் பட்டது குறித்து மத்திய அமைச்சர் அனுராக்தாக்கூர் தனது டிவிட்டர் பதிவில் குறிப்பிட்டு வாழ்த்து தெரிவித்துள்ளார். அதில், எப்.டி.ஐ.ஐ., தலைவராக- நிர்வாகக் குழு தலைவராக பரிந்துரைக்கப்பட்டு உள்ள நடிகர் மாதவனுக்கு எனது மனமார்ந்த வாழ்த்துக்கள். உங்கள் பரந்த அனுபவமும் வலுவான நெறிமுறைகளும் இந்த நிறுவனத்தை வளப்படுத்தும், நேர்மறையான மாற்றங்களைக் கொண்டு வந்து, மேலும் உயர் நிலைக்குக் கொண்டு செல்லும் என்று நான் நம்புகிறேன். உங்களுக்கு எனது நல்வாழ்த்துகள் என குறிப்பிட்டுள்ளார்.
அவரது டிவிட்டை மறுபதிவிட்டுள்ள மாதவன், அதில் அவருக்கு நன்றி தெரிவித்துள்ளார். அவரது டிவிட்டர் பதிவில், “கௌரவத்திற்கும் அன்பான வாழ்த்துக்களுக்கும் மிக்க நன்றி . எல்லா எதிர்பார்ப்புகளையும் பூர்த்தி செய்ய என்னால் முடிந்த அனைத்தையும் செய்வேன்” என்று குறிப்பிட்டுள்ளார்.