சதுரங்க வேட்டை, நேர்கொண்ட பார்வை ஆகிய படங்களை இயக்கியவர் வினோத். தற்போது அஜித்தை வைத்து வலிமை படத்தை இயக்கி வருகிறார். இப்படத்தின் படப்பிடிப்பு தற்போது ஹைதராபாத் ராமோஜிராஜ் பிலிம் சிட்டியில் நடைபெற்று வருகிறது.
கடந்த 8 மாதங்களாக இப்படத்தின் எந்த அப்டேட்டும் வெளியாகவில்லை. இதனால் தல அஜித் ரசிகர்கள் விரக்தி அடைந்துள்ளனர். எனவே, படப்பிடிப்பில் எடுக்கப்படும் புகைப்படங்களையே அப்டேட்டாக கருதி சமூக வலைத்தளங்களில் பகிர்ந்து மகிழ்ச்சியை வெளிப்படுத்தி வருகின்றனர்.
கொரோனா பரவல் காரணமாக 8 மாதங்களுக்கு பிறகு இப்போதுதான் படப்பிடிப்பு துவங்கியுள்ளது. எனவே,இப்படம் அஜித்தின் பிறந்தநாளான மே 1ம் தேதி வெளியாகும் என ரசிகர்கள் ஆவலுடன் காத்திருந்தனர். ஆனால், இப்படம் அப்போதும் வெளியாகாது என்பது தெரியவந்துள்ளது. படப்பிடிப்பு முடிந்துவிடும் என்றாலும் கிராபிக்ஸ் பணிகள் இருப்பதால் இப்படம் மே 1ம் தேதி வெளியாகாது என படக்குழு தெரிவித்துள்ளது. இது தல அஜித் ரசிகர்களுக்கு அதிர்ச்சியை ஏற்படுத்தியுள்ளது.