ஹெச். வினோத் இயக்கத்தில் அஜித் நடிப்பில் உருவாகி வரும் ‘வலிமை’ படத்தின் அப்டேட் கேட்டு கிரிக்கெட் மைதானத்தில் பதாகையை தூக்கி காட்டிய ரசிகரால் பரபரப்பை ஏற்படுத்தியுள்ளது.
அஜித் நடிப்பில் உருவாகி வரும் ‘வலிமை’ படத்தின் உருவாக்கப் பணிகள் ஓராண்டுக்கு மேலாக நடைபெற்று வருகிறது. நேர்கொண்ட பார்வைக்கு பிறகு ஹெச். வினோத் இயக்கும் இந்த படத்தில் அஜித் காவல்துறை அதிகாரியாக நடித்து வருகிறார்.
இந்த படத்தையும் போனி கபூர் தயாரித்து வரும் நிலையில், ‘வலிமை’ படத்துக்கு யுவன் சங்கர் ராஜா இசையமைக்கிறார். கடந்த சில மாதங்களாகவே இந்த படத்தின் அப்டேட்டை கேட்டு ரசிகர்கள் பலர் சமூகவலைதளங்களில் போஸ்ட் செய்து வந்தனர்.
கொரோனா இரண்டாம் அலை துவங்கிய பிறகு, கடந்த சில நாட்களாக இதனுடைய அப்டேட் குறித்த தகவல்கள் எதுவும் வெளியாகமல் இருந்தது.
இந்நிலையில் இங்கிலாந்தில் நடைபெற்று வரும் இந்தியா – நியூசிலாந்து அணிகளுக்கு இடையேயான உலக டெஸ்ட் சாம்பியன்ஷிப் இறுதிப் போட்டியை காண வந்த ரசிகர் ஒருவர்வலிமை அப்டேட் என எழுதப்பட்ட பதாகையுடன் மைதானத்தில் அமர்ந்திருந்த புகைப்படம் சமூக வலைதளங்களில் வைரலாகி வருகிறது.
அதேபோல மைதானத்தில் விளையாடி வந்த தமிழக கிரிக்கெட் வீரர் அஸ்வின் ரவிச்சந்திரனிடம் சிலர் வலிமை அப்டேட் கேட்ட வீடியோவும் வைரலாகி வருகிறது.
#ValimaiUpdate 😀#ThalaAjith #Valimai #Ajithkumar #WTCFinal21 #INDvsNZ #Thala pic.twitter.com/vM53SwONOT
— TRENDS AJITH | ᴡᴇᴀʀ ᴍᴀꜱᴋ – ꜱᴛᴀʏ ꜱᴀꜰᴇ (@TrendsAjith) June 20, 2021