நடிகர் அஜித் நடித்துள்ள வலிமை படம் கொரோனா காரணமாக பல ஆண்டுகளாக படப்பிடிப்பில் இருந்து வந்த நிலையில் தற்போது முழு பணிகளும் முடிந்து ரிலீஸுக்கு தயாராகி வருகிறது.
இதன் இறுதிக்கட்ட படப்பிடிப்புக்காக ரஷ்யா சென்றிருந்தபோது அங்கு நடிகர் அஜித் பைக்கிலேயே 5 ஆயிரம் கிலோ மீட்டர் பயணம் செய்ததாக தகவல்கள் வெளியானது.
இந்நிலையில் சமீபத்தில் தில்லி சென்ற அஜித் அங்கு தாஜ்மஹால் அருகே ரசிகர்களோடு புகைப்படம் எடுத்துக் கொண்டார்.
மேலும் 7 கண்டங்களில் 64 நாடுகளில் பைக்கிலேயே பயணம் செய்த சாகச பெண்மணியான மாரல் யாசர்லூவை நேரில் சந்தித்துள்ளார்.
அவரிடம் பயண அனுபவங்கள் குறித்து கேட்டறிந்த அஜித்குமார் பைக்கில் உலகம் முழுவதும் பயணிப்பதற்கான ஆலோசனைகளையும் கேட்டதாகத் தகவல் வெளியானது.
இந்நிலையில் அல்டிமேட் ஸ்டார் தல அஜித்துடனான சந்திப்புக்குப் பின் மாரல் யாஜர்னு தனது இன்ஸ்டாகிராமில் ஒரு பதிவிட்டுள்ளார். அதில், நடிகர் அஜித்குமாரிடம் எனது உலகப் பயணம் குறித்த எனது அனுபவங்களையும் தகவல்களையும் பகிர்ந்தேன்.
அஜித் மிகவும் தன்னடக்கத்துடன் பேசினார். மரியாதைக்குரிய நபராகவும் நடந்துகொண்டார். மேலும் சமூக வலைதளங்களில் அஜித்துடன் நான் இருக்கும் புகைப்படத்தை அவரது அனுமதியுடன் பகிர்ந்தேன் எனத் தெரிவித்துள்ளார்.