மலையாள நடிகையும் நடனக் கலைஞருமான ஸ்ரீ லக்ஷ்மி உடல்நலக்குறைவால் காலமானார்.
அவருக்கு வயது 38.
நிமோனியா பாதிக்கப்பட்ட நடிகை ஸ்ரீ லக்ஷ்மி மருத்துவமனையில் சிகிச்சை பெற்று வந்த நிலையில், சிகிச்சை பலனின்றி நேற்று உயிரிழந்தார்.
இவர் பல தொலைக்காட்சி தொடர்கள், திரைப்படங்கள் மற்றும் குறும்படங்களில் நடித்துள்ளார். அருண் தம்பி இயக்கிய இசை ஆல்பத்தில் இளங்கவிலம்மா என்ற கதாப்பாத்திரத்தின் மூலம் ஸ்ரீ லக்ஷ்மி பிரபலமடைந்தார். இவருக்கு வினோத் என்ற கணவரும் இரண்டு மகன்களும் உள்ளனர்.
ஸ்ரீ லக்ஷ்மி கேரளாவின் திரிபுணிதுரா, அரவிந்தாக்ஷா மேனனின் ஜெயகேரளா நடனக் கல்லூரியில் பல்வேறு நடன நிகழ்ச்சிகளின் மூலம் புகழ்பெற்றவர். மேலும் நடனத்திற்காக 2020-ல் கேரள அரசின் விருதை வென்றவர்.
இந்நிலையில் நடிகை ஸ்ரீ லக்ஷ்மியின் மறைவு மலையாள திரையுலகில் அதிர்ச்சியை ஏற்படுத்தி உள்ளது.
அவரின் மறைவுக்கு திரையுலகினர் பலரும் இரங்கல் தெரிவித்து வருகின்றனர்.